Петр Чех МЮнинг дербидаги илк голи ҳақида: “Айрим одамлар қоидаларни тушунмаслигини кўрсатиб қўйди”
15 янв 2023 08:40
Янгиликлар

Петр Чех МЮнинг дербидаги илк голи ҳақида: “Айрим одамлар қоидаларни тушунмаслигини кўрсатиб қўйди”

“Челси” собиқ кипери Петр Чех АПЛ 20-турида МЮ аъзоси Бруну Фернандешнинг “Ман Сити” дарвозасига урган голига тўхталди.

2-таймда ҳисоб 0:1 бўлиб турган вақтда, Каземиро тўпни офсайдда турган Маркус Рэшфорд томонга узатди. 25 ёшли инглиз эса тўпга тегинмади ва уни жамоадоши Фернандешга қолдирди. Оқибатда португалиялик рақиб дарвозасини ишғол этди. Учрашув бош ҳаками Стюарт Эттуэлл ВАРга мурожаат қилиб, мазкур голни ҳисобга олди.

“Манчестер Юнайтед”нинг биринчи голи қандайдир янги қоидалар ўйлаб топадиган одамларнинг ўйинни тушунмаслигини исботлади”, дея ёзган Чех ижтимоий тармоқдаги саҳифасига.

Маълумот ўрнида, Халқаро футбол ассоциацияси кенгаши (IFAB) қоидасига кўра ҳам Фернандешнинг голи соф урилган.