PES 2017 ҳақида маълумотлар пайдо бўлди

Ўйинда бўлган асосий янгилик ва ўзгаришлар билан таништирамиз.

Энди футболчилар тўпнинг олдиндан айтиб бўлмас йўналишига ҳақиқатга яқинроқ реакция кўрсатади.

Пас аниқлиги

PES2017да ҳаракатларнинг ва тўп физикасининг бир бирига ҳаётдагидек мос келишини гувоҳи бўлишингиз мумкин. Ўйинда катта эътибор пас берилишига қаратилган. Оширма идеал траектория ҳосил қилиб, у манзилга етгунича сизни ҳайрон қолдиради.

Дарвозабонлар

Ҳаракат ва анимациялар эвазига посбонларнинг сифати оширилди, улар PES тарихидаги энг яхшисига айланишди. Ҳужумкор вазиятлар олдингиданда драматик кўриниш олади ва урилган голдан сўнг сизга роҳат бағишлайди.

Жамоани бошқариш

Учрашувда кутилмаган ҳолатлар ва вазиятларни ҳисобга олсак, энди жамоангиз тезда ҳужумкор ёки ҳимоявий услубга ўтиб олиши мумкин.

Қўшимчалар

Сиз тика-така ёки бошқа турли услубларни танлашингиз мумкин. Улар сизнинг стратегиянгизга ранг-барангликлар олиб келади.

Ўрганувчи сунъий интеллект

Илк бора футбол ўйинида сунъий интеллект (СИ) сизнинг ўйинингизни ўрганади ва унга кўникади. PES2017даги СИ спорт ўйинларини ўзгартириб юборади.

Ҳақиқатга яқин графика

PES2017 графика жиҳатдан катта янгиланишга эга бўлади ва бунинг барчаси янги ўйин мотори - Fox Engine туфайли. Ҳеч нарса эътиборсиз қолмайди. Футболчи модели, ёритиш, мухлислар, чим ва стадион сифатини катта янгиланиш кутяпти. Ўйин ҳеч қачон бунчалик ҳақиқатга яқин бўлмаган.

Футболчилар ҳаракатлари

Футболчилар ва дарвозабонларни жонлантириш учун юзлаб янги анимациялар қўшилди, аммо бу билан тўхтаб қолинмайди.

PES2017 август ойининг охирида сотувга чиқиши кутилмоқда.