"Персеполис" ҳужумчиси фаолиятини Греция клубида давом эттиради

"Биз Греция клуби билан 2 йиллик шартнома имзоладик. Тареми ишлашга руҳсат олганидан сўнг, Грецияга учиб кетади" - дейди футболчининг агенти.

Ҳозирча номи ошкор қилинмаётган клуб ПАОК ёки "Олимпиакос" бўлиши кутилмоқда. Бу икки жамоа ҳам келаси мавсум Чемпионлар лигаси саралашида иштирок этади.

Тареми Эрон чемпионатининг сўнгги мавсумида 23 та учрашувда майдонга тушиб, 18 та гол уришга муваффақ бўлди.

"Персеполис" 24 ёшли футболчини ўз сафида сақлаб қолмоқчи эди, аммо ҳужумчи фаолиятини Европада давом эттиришни истади.