Пеле Неймар унинг рекордини янгилашини истайди
18 июн 2021 20:18
Янгиликлар

Пеле Неймар унинг рекордини янгилашини истайди

Пеле Бразилия терма жамоасида энг кўп тўп киритган футболчи ҳисобланади.

Футбол қироли Пеле Instagram саҳифасида Неймар ҳақида пост қолдирди. Бразилиялик ҳужумчи Перу дарвозасини ишғол қилгач, Пеленинг Бразилия терма жамоасида урган голлар рекордига янада яқинлашди. Неймар 68 та гол урган бўлса, Пеле 77 бор рақибларини ранжитган.

Пеле ўз аккаунтида Неймар билан тушган фотосуратини жойлади ҳамда ватандошининг чиройли ўйин намойиш этиши ва хушчақчақлигини эътироф этди.

"Бугун у 'Селесао' учун киритган голлар рекордим томон яна бир қадам ташлади. Неймарга рекордимни янгилашини хоҳлайман. Унинг ўйинини илк марта кўрганимдан буён бунга амин бўлганман", — деб ёзади футбол қироли.

Ҳавола :

Манба : euro-football.ru

Янгиликларни Телеграмда ўқинг!

Рейтинг: +9