UZ

Сўнгги янгиликлар

12:03Роҳатижон  0 11:48Париж клуби "Барселона" футболчисига кўз тикди  1 11:20Breaking! Сон "Тоттенхэм"ни тарк этишини эълон қилди: "Ҳаётимдаги энг қийин қарорлардан бири". Ҳужумчи АҚШга йўл олиши мумкин  2 10:42Милнер янги мавсумда Жотанинг хотираси учун янги рақамда ҳаракат қилади  1 10:13"Ал Ҳилол" "Ливерпуль" футболчиси учун курашда етакчилик қилмоқда  2 09:44Бир қатор спорт юлдузлари Франция жамоасининг инвесторларига айланишди  0 09:15АПЛнинг кўплаб жамоаларидан қизиқиш бўлаётган Шешко келажаги борасида бир қарорга келди  0 08:46"Ал Насср" яна бир португалиялик ТОП футболчига таклиф билан чиқди  1 08:17Максим Шацких: “Ёзги йиғиндан ва селекциядан кўнглим тўлди”  5 07:45Суперлига. Бугун дахшат учрашувлар бор  19 07:20Суперлига. "Пахтакор" сафарда "Машъал" устидан ғалаба қозонди, ОКМК эса "Бухоро"ни мағлуб этди  0 00:4437 ёшли Куадрадонинг янги клуби маълум  4 00:11Вирц "Ливерпул"да қайси рақамни олди?  3 23:42Отабек Нарзуллаев: "Менга ёққан томони - футболчиларимиз охиригача курашди"  4 23:22Камолиддин Тожиев: "Танаффусдан кейин тезда тонусга тушиб олиш осон эмас"  2

"Пахтакор"да жамоавий ўйин йўқ. Фақат бир клуб чемпионликка мос ўйин кўрсатмоқда" — Мутахассис кимни назарда тутди? Янгиликлар

"Пахтакор"да жамоавий ўйин йўқ. Фақат бир клуб чемпионликка мос ўйин кўрсатмоқда" — Мутахассис кимни назарда тутди?

Яйпандаги "Нефтчи" - "Металлург" учрашуви Суперлиганинг 10-тур баҳсларини бошлаб берди.

Дарҳақиқат, Илҳом Мўминжонов шогирдлари ва ниҳоят узоқ кутилган ғалабани қўлга киритди. Шу билан бирга жамоанинг ғалабасиз серияси якунланди. Бугун оқшомда ҳам шу каби бир қатор қизиқарли учрашувлар ўрин олган. Мазкур ўйинлар олдидан мутахассис фикри рукнига мураббий Баҳром Ҳайдаровни таклиф қилдик.



"Нефтчи" - "Металлург"

— Ушбу учрашув мухлислар учун қизиқарли ўтгани аниқ. "Нефтчи" шу куни майдонда камроқ пас ўйнаб, қарши ҳужумга чиқишга уриниб кўрди. Лекин жамоанинг бу режаси иккинчи бўлим ўрталаригача иш бергани йўқ. Қарши ҳужумга чиқаётганда тезликка эътибор бериш керак. Футболчилар керакли тезликни олмагани учун "Металлург" ҳимоячилари ортга тезроқ қайтишга улгуришди. Барибир якунда Фарғона жамоаси ғалабани ўзиники қилди. Бу билан жамоани табриклайман.


"Локомотив" - "Пахтакор"

— Ўзига ҳос Тошкент дербиси. "Локомотив" ҳам, "Пахтакор" ҳам стабил ўйнаётгани йўқ. Шу боис бирор нарса дейиш қийин. "Темирйўлчилар"нинг ўйини чиқиб қолса яхши натижага эришади. "Пахтакор" ҳақида фикримда қоламан, футболчилар индивидуал ҳаракатлар эвазига нимадир қилиши мумкин. Чунки жамоавий ўйин кўзга ташланмаяпти. Барибир бу - "Пахтакор". Драган Черан сафтга қайтганини инобатга олсак "шерлар" кичик ҳисобда ғалаба қозонишини тахмин қиламан, 40/60


"Қизилқум" - "Сурхон"

— Навоийликлар пастга қараб "шўнғиш"моқда. Жамоа ўзини ўнглаб олмаса бўлмайди. Бугун ғалаба қозонмаса турнир жадвалида яна пастлайди. Уларда ҳамма нарса бор. Футболчилар, мураббийлар. "Сурхон"  ҳам яхши ўйин кўрсатаётганини айтиш жоиз. Бу беллашувда дуранг қайд этилса керак, 50/50

"Динамо" - АГМК

— АГМК ўйиндан ўйинга кучайиб бормоқда. Анча шаклланиб бормоқда. Бундай жамоалар бизда бир нечта. "Сўғдиёна", "Қўқон-1912" каби клубларга қарши тўп тепиш қийин. Андрей Шипилов катта ўзгариш қилмайди. Чунки жамоа билан йил бошидан бери ишламоқда.  Аммо АГМК ҳам осонликча ўйин бериб қўймаслиги аниқ. Имкониятлар 50/50. 


"Бунёдкор" - "Насаф"

— "Бунёдкор"да ўзгаришлар рўй берди. Суперлигада "Насаф" чемпионликка мос ўйин кўрсатаётган ягона жамоа ҳисобланади. Лекин улар "Бунёдкор"га қарши қийналишлиги табиий. Виктор Карпенкода ҳам ўйинга ўзига ҳос режа бор. АГМК билан ўйинда ҳеч бир жабҳада мағлуб бўлмади. "Насаф" айни пайт ажойиб ҳолатда эканлиги ўз-ўзидан уларнинг имкониятини кўпроқ баҳолашга сабаб бўлмоқда, 40/60

"Сўғдиёна" - "Қўқон-1912"

— Бир-бирига ноқулай рақиб. Икки жамоада таркиб шаклланган. "Сўғдиёна" бежиз биринчи ўринда кетмаяпти. "Қўқон-1912" сўнгги ўйинларга келибгина уйғонди. Имкониятлар: 70/30

Муаллиф : Iskandarov Abdulaziz
Рейтинг: +12   

Фикрлар

championat.asia
< сўнгги янгиликларни кўриш
Яндекс.Метрика