"Пахтакор" ёздаги илк харидни амалга оширди: Таркибга легионер қўшилди
19 июн 2018 12:41
Янгиликлар

"Пахтакор" ёздаги илк харидни амалга оширди: Таркибга легионер қўшилди

"Насаф" билан хайрлашган сербиялик ҳужумчи Драган Черан "Пахтакор" билан келишувга эришди.

Ўтган мавсумларда "Насаф"даги ёрқин ўйинлари билан кўпчиликнинг эътиборига тушган Драган Черан фаолиятини "Пахтакор"да давом эттирадиган бўлди. Томонлар узоқ давом этган музокаралардан сўнг ниҳоят келишувга эришишган. Бу ҳақда сайтимиз ходими Шаҳбоз Беғамов маълум қилди.

Драган Черан ҳам энди собиқ жамоадошлари ҳамда дўстлари Суюнов, Аъзамов, Шораҳмедов, Сайфиев, Раҳматуллаев ва Абдурахимовдан кейин "шерлар" либосини киядиган бўлди. Черан айнан шу футболчилар билан "Насаф"да бирга ўйнаган. Абдурахимов ва Черан тандеми энди "Пахтакор"да ишлаши кутилмоқда.

Драган Черан "Пахтакор" сафига "шерлар"нинг Туркиядаги йиғини чоғида бориб қўшилиши кутилмоқда.