UZ

Сўнгги янгиликлар

01:50"Ал Ҳилол"нинг собиқ бош мураббийи "Ал Насср"ни бошқаришга рози бўлди  2 00:54Расман: Поль Погба - "Монако" футболчиси!  2 00:36Акмал Рустамов: "Йигитларнинг барчасига раҳмат айтаман, улар бор кучи билан ҳаракат қилишмоқда"  1 00:12Клублар ўртасидаги ЖЧ. "Бенфика" - "Челси" баҳси асосий таркиблари маълум!  3 00:10Мирко Йеличич: "Биз 60 дақиқа яхши ўйнадик"  0 23:55Суперлига. Алибоев супергол урган баҳсда "Нефтчи" "Қизилқум" билан дуранг ўйнади, "Навбаҳор" эса "Машъал"ни йирик ҳисобда енгди  0 23:51Клублар ўртасидаги ЖЧнинг биринчи чорак финалчиси маълум!  0 23:38Виталий Левченко: "Агар реализация яхшироқ бўлганида, ўйин натижасини ҳал қилиб бўлган бўлар эдик"  16 23:23Сергей Лушчан: "Мавсум аввалида бизда аниқ бир мақсад йўқ эди, ҳозир эса... Футболчимизда хориждан таклиф бор"  7 22:50Уильямсни сотиб олса ҳам "Барселона" Рэшфордни трансфер қилишга уриниб кўради  5 22:31Фарҳод Нишонов: "Бир нечта футболчиларимизда Суперлигадан клубларидан таклифлар бор"  0 22:13Асрор Алиқулов: "Чарчоқ ёки иссиқ ҳаво деган гаплар қуруқ баҳона. Ҳар бир учрашув ҳам ўхшайвермайди"  4 21:57Суперлига. "Қизилқум" сўнгги дақиқаларда гол уриб, "Нефтчи"ни ғалабадан маҳрум қилди  70 21:21ПроЛига. "Олимпик Мобиуз" "Олимпик" дарвозасига жавобсиз 4та гол урди ва пешқадамликни қўлига олди  1 20:55Суперлига. "Навбаҳор" ўз майдонида "Машъал"га жавобсиз 6 та тўп йўллади, Ғуломовда дубль, Жияновда 3 та ассист!  67

"Пахтакор" стадионига мухлислар ташрифини оширган сабаб қайси? Янгиликлар

"Пахтакор" стадионига мухлислар ташрифини оширган сабаб қайси?

"Пахтакор" охирги йилларда Ўзбекистон чемпионатининг гигантига айланган бўлса-да, пандемиядан кейин клуб ўйинларига ташриф буюраётган мухлислар сони кескин камайиб кетди.

Маълумот учун, 2020 йилнинг март ойида карантин ҳолати эълон қилингунига қадар Суперлиганинг дастлабки 3 та тур ўйинлари ўтказилган эди. Ўша баҳсларда "шерлар"нинг уй учрашувларига ўртача ҳисобда 10 мингга яқин мухлис ташриф буюрган. 

Жорий мавсум доирасидаги дастлабки 3 ўйинда "Пахтакор" марказий стадионига ташриф буюрганлар сони эса 3 349 нафарни ташкил қилди ("Машъал" билан ўйинда (2-тур) → 1679, "Металлург" (4-тур) → 413, "Қўқон-1912" (8-тур) →1257). Яъни, ҳар ўйинга ўртача 1 116 мухлис. Бу Суперлига иштирокчилари орасида энг ёмон натижа бўлиб турганди. Токи...

... токи 10-турга қадар. "Пахтакор" 19 июнь куни Жиззахнинг "Сўғдиёна"сини қабул қилди. Мазкур ўйинни 10 560 нафар футбол ишқибози бевосита стадионнинг ўзидан кузатиб борди ва тур рекорди қайд этилди. Маълумот учун, бу олдинги 3 та ўйиндаги умумий кўрсаткичдан 3 баробарга кўпроқ. 

Пахтакор

Суперлига. 10-тур

19/06/2021, 20:00

0
:
0
Тугади

Сўғдиёна

45'
90'
25'  Шерзод Темиров
27'  Фаррух Сайфиев
45'  Аброр Исмоилов
69'  Ҳумоюнмирзо Иминов (Шароф Муҳитдинов)
69'  Шерзод Темиров (Пўлатхўжа Холдорхонов)
79'  Азизбек Турғунбоев (Иброҳимҳалил Йўлдошев)
83'  Диёр Холматов (Аббосбек Файзуллаев)
83'  Анзур Исмоилов (Егор Кримец)
16'  Жавоҳир Қаҳрамонов
17'  Элёр Орифов
45'  Жамшид Болтабоев
46'  Искандар Шайкулов (Даниэл Насриддинов)
46'  Элёр Орифов (Шаҳбоз Жўрабеков)
61'  Жасур Ҳасанов О (Эргаш Исмоилов)
65'  Жавоҳир Қаҳрамонов (Арсланмират Аманов)
73'  Шохруз Норхонов (Баҳодир Насимов)
90'  Милан Митрович

Факт: "Пахтакор" стадионига сўнгги бор 10 мингдан ортиқ мухлис 2020 йилнинг 27 февралида келган эди. Ўшанда "шерлар" "Навбаҳор"ни 2:1 ҳисобида мағлуб қилган.

Мухлислар ташрифи бўйича олдинги турларда "Навбаҳор" жамоаси етакчи бўлиб келаётган эди. 10-турда эса Намангандаги ўйингоҳга "Пахтакор"га нисбатан 2 баробар камроқ мухлис ташриф буюрди (5 100).

Факт: Сўнгги бор бундай ҳолат 2019 йилнинг 1 октябрида содир бўлган. Энг қизиғи, ўшанда ҳам "Пахтакор" "Сўғдиёна"ни қабул қилган ва ўйинни 10 270 киши бевосита стадионнинг ўзидан кузатганди. Ўша куни "Навбаҳор" 5 332 нафар мухлис гувоҳлигида "Динамо"ни қабул қилган.

"Пахтакор" марказий стадионига мухлислар ташрифининг кескин ошишига нима сабаб бўлди?

Буни бир нечта сабаб билан изоҳлаш мумкин. 

1. ЎзПФЛ барча ўйинлар стартини 20:00 га кўчирди. Бу нафақат ўйинчиларга футбол ўйнаш учун, балки мухлисларга томоша қилиш учун ҳам қулай вақт. 

Қўшимча қиламиз, шунга мос равишда жамоат транспортларининг қатнови ҳам қулайлаштирилса, футбол мухлслари учун айни муддао бўларди. 20:00 да старт оладиган футбол матчи 22:00 лар атрофида якунланади. Хабарингиз бор, пойтахтда бунақа вақтда автобуслар ҳаракати деярли  тўхтайди. Вилоятлардаги ҳолатнику тасаввур қилиб олаверинг.

2. "SFI Management Group" компанияси "Пахтакор" клубининг 80 фоиз акциясидан воз кечгач, бу акциялар Тошкент шаҳар ҳокимиятига қайтди. Ҳокимият "Сўғдиёна" билан ўйиндан олдин кичик консерт дастурини ташкил қилди ва танаффусда мухлислар учун ютуқли совғалар ўйналди. Бу ҳам ишқибозлар эътиборини тортадиган жиҳатлардан бири ҳисобланади.

3. Марказий ўйин. Иккала клуб 10-турга қадар мусобақа жадвалида 1 ва 2-ўринларни бўлишиб турганди. Ўзбекистон чемпионатининг етакчилари тўқнашгани учун ҳам ўйинга нисбатан мухлисларнинг қизиқиши ортган бўлиши мумкин.

4. Жиззахлик мухлисларнинг салмоғи. "Пахтакор" олдинги турларда Муборак ёки Қўқон жамоаларини қабул қилган бўлса, бу гал нисбатан яқинроқдаги Жиззах клуби билан тўқнашди. Бу ўз-ўзидан меҳмон жамоа мухлислари рақамларни кўтариб юборди, деган хулосани ҳам ўртага ташлайди.

P.s. Лекин, бунга қўшилмаймиз. Стадионга келганлар "Сўғдиёна" мухлислари жойлашган сектор тўлмаганига гувоҳ бўлишди.

5. Футбол соғинчи. ФИФА кунлари сабаб Суперлигада 1 ойлик танаффус юзага келди. Табиийки, ишқибозлар футболни соғинишган ва рақамларнинг ўзишига бу ҳам ўз таъсирини кўрсатган бўлиши мумкин.

6. "Мажбурий-ихтиёрий" ташриф. Ўйиндан кейин мухлисларнинг асосий қисмини ҳокимият ва шаҳар ҳокимига алоқадор бўлган бошқа корхоналар ходимлари ташкил қилгани ҳақида гапирганлар ҳам топилди. Аммо, ҳозирча ҳеч қайси корхона ходимларининг эътирозлари ҳақида эшитмадик.

Хуллас, "Пахтакор"нинг уй учрашувини кузатиш учун катта танаффусдан кейин яна 10 минг нафар мухлис келди. Бу кўзни қувонтирадиган ҳолат, албатта. Юқорида мухлислар оқимининг ўсишига таъсир кўрсатган эҳтимолий омиллар ҳақида шахсий қарашларимизни келтирдик. Қадрли мухлис, сизнинг бу борадаги фикрингиз қандай?

Ф. Рўзиев

Муаллиф :
Рейтинг: +20   

Фикрлар

championat.asia
< сўнгги янгиликларни кўриш
Яндекс.Метрика