Павел Бугало Суюновнинг ҳаракатлари ва ўтказилган голлар бўйича изоҳ берди

Учрашувда миллий жамоамиз 2:1 ҳисобида олдинда бораётиб якунда тайёр ғалабани қўлдан чиқарди ва ўйин сўнггида қўйиб юборилган голлар мағлубиятга сабаб бўлди.

Узбекистан Элдор Шомуродов - 16', Отабек Шукуров - 56'

Чемпионат Мира. Квалификация. Азия. 2-ой раунд. Группа D . 5-тур 14/11/2019, 17:00 3 : 2 Тугади

Саудовская Аравия Салман Аль-Фаридж - 23', Салман Аль-Фаридж - 85', Салим Аль-Давсари - 89'

Стадион: 31524 томошабин

45'

90'

16'  Элдор Шомуродов

56'  Отабек Шукуров

82'  Jaloliddin Masharipov (Одилжон Хамробеков)

90'  Достонбек Хамдамов (Игорь Сергеев)

23'  Салман Аль-Фаридж

62'  Хаттан Бабхир (Абдулазиз Аль-Биши)

72'  Yahya Al Shehri (Наваф Альабед)

73'  Салим Аль-Давсари

73'  Абдулазиз Аль-Биши

85'  Салман Аль-Фаридж

85'  Фирас Аль-Бурайкан (Абдулла Аль-Хамдан)

89'  Салим Аль-Давсари

Матч-центрда очиш

Ўйиндан кейин баъзи журналистлар ва мухлислар мағлубиятга сабабчи бўлган учинчи гол юзасидан терма жамоамиз дарвозабони Элдор Суюновнинг ҳаракатларини танқид остига олишди.

Шу муносабат билан мазкур ҳолат ва умуман дарвозабонимиз Элдор Суюновнинг мазкур беллашувдаги ҳаракатлари юзасидан эксперт фикри билан қизиқдик.

Ўзбек футболи тарихида дарвозабонлар орасидан йил футболчисига айланган афсонавий Павел Бугало Элдорбек Суюновнинг ҳаракатларини мутахассис сифатида баҳолади.

- "Элдорбек Суюнов кеча ёмон ўйин ўтказмади. Биринчи гол пенальти орқали урилди. Иккинчиси рикошет. Бу дарвозабонлар учун жуда ноқулай ҳамда қийин ҳолат. Учинчи голга келадиган бўлсак, Суюнов ўша вазият учун дарвозабонлар учун керакли позицияни эгаллаб, вазиятни тўғри баҳолаганди. Биласизми, бу ерда ижро маҳорати мукаммал бўлди. Футболчи ҳимоячилар таъқибидан қочди ва юқори узоқ бурчак тараф тўпни тепди. Ижро эса кутилганидан ҳам аъло чиқди. суюнов ўша вазиятда яқин бурчакни ёпмасдан, ўртароқ ёки узоқ бурчакни ёпиб турганда, биринчидан хато қилган бўларди ва яқин бурчакка йўналтириладиган зарбани тўсолмасди. Чунки имкони бўлмасди. Қайтараман, учинчи гол дарвозабонни хатоси эмас, балки ижро маҳорати туфайли урилди. Ҳимоячилар нега унга зарба беришга йўл қўйиб беришгани ҳақида савол ўртага чиққани маъқулроқ. Қолган кўплаб вазиятларда эса Суюнов дарвозабон сифатида тўғри ўйнади ва хавфни бартараф этди", - дейди Павел Бугало.

Эслатиб ўтамиз, кечаги баҳсда Ўзбекистон терма жамоаси рақиб дарвозаси томон жами 4 маротаба, Саудия Арабистони эса дарвозамиз томон 7 бор аниқ зарба йўллади. Элдорбек Суюнов эса терма жамоамиз футболчилари орасидан энг катта балл (6,2) олган бешинчи футболчига айланди. Гол урган Шомуродов ва Шукуров ҳамда қанот вингерлари Ҳамдамов билан Машарипов ўйинда 4 маротаба сейв амалга оширган Суюновдан нисбатан кўпроқ баллга лойиқ кўрилди.