Manbada qayd etilishicha, turinliklar biryo'la ikki "mankunian"ni qo'lga kiritishmoqchi. Bular Nani va Evra. Nanining jamoadan ketishi haqida anchadan buyon gapirilmoqda. Lekin Evraning "MYU"ni tark etishi borasida hech qanday fikrlar bildirilmayotgan edi. Ammo fransiyalik himoyachining manchesterliklar bilan tuzgan shartnomasi mavsum oxirida yakuniga etadi va u erkin agentga aylanadi. "Yuventus" esa bu vaziyatdan foydalanib Evrani o'z tarkibiga qo'shib olmoqchi.