"Пасуш де Феррейра" "Манчестер Сити" форвардини ижарага олади

Бу ҳақда журналист Фабрицио Романо хабар бермоқда. 19 ёшли бразилиялик 2022/23 йилги мавсумни Португалия жамоасида ижарада ўтказади.

Футболчида Бельгия ва Франция клубларидан таклиф бўлган эди, аммо у ушбу вариантларни рад этишга қарор қилди.

Ўйинчи бугун "Пасуш де Феррейра"га ўтишини якунлаш учун тиббий кўрикдан ўтади.

"Манчестер Сити" Кайкини "Флуминенсе"дан 2021 йилнинг август ойи сўнггида харид қилганди. Форвард асосий жамоада 2та ўйинда майдонга тушди. У "шаҳарликлар"нинг ёшлар жамоаси сафида 14та ўйинда 6та гол ва 4та ассист қайд этди.

Transfermarkt портали Кайкини 14 миллион еврога баҳоламоқда.