Пасторе Неймарга нимани совға қилмоқчи
03 авг 2017 16:04
Янгиликлар

Пасторе Неймарга нимани совға қилмоқчи

ПСЖ ярим ҳимоячиси Хавьер Пасторе ўзига тегишли бўлган 10-рақамни Неймарга таклиф қилди.

Бразилиялик футболчи 222 миллион евро эвазига Париж клубига ўтиш арафасида турибди.

Неймар терма жамоада айнан 10-рақамда ўйнайди. Пасторе Неймар ўзини янада қулай ҳис қилиши учун унга ўзининг 10-рақамини бўшатиб беришга тайёрлигини айтди.

"Мен Неймарга ўзимнинг 10-рақамли футболкамни таклиф қиламан. У биринчи кунданоқ ўзини қулай ҳис қилишини ва мамнун бўлишини хоҳлайман.

Биргаликда Чемпионлар лигасини ютиш учун уни имкон қадар қўллаб-қувватлайман", - деган Пасторе.