25 ёшли аргентиналик футболчи ёзда "Ювентус" сафига қўшилиши мумкин. "La Gazzetta dello Sport" нашри хабарига кўра, Паредеснинг ўзи Италияга қайтиш истагини билдирган.
Аввалроқ Италия ОАВлари "кекса синьора" Паредес учун 25 миллион евродан воз кечишга тайёрлиги ҳақида ёзганди.
Жорий мавсум Франция чемпионатининг 14 учрашувида майдонга тушган аргентиналик хавбек 1та голли узатмага муаллифлик қилди. Унинг парижликлар билан амалдаги шартномаси 2023 йилнинг ёзига қадар мўлжалланган.
