Ўзил жамоадан кетади. Унга фақатгина МЮ харидор, аммо...
14 янв 2019 13:23
Янгиликлар

Ўзил жамоадан кетади. Унга фақатгина МЮ харидор, аммо...

"Арсенал" бош мураббийи Унаи Эмери ярим ҳимоячи Месут Ўзил қишдаёқ жамоадан кетишини истамоқда.

"Daily Mail" хабарига кўра, испаниялик мутахассис январда унинг ўрнига бошқа футболчи олиб келишни режалаштирмоқда.

Қайд этиш керак, германиялик хавбек бу мавсумда асосий таркибдаги ўрнини йўқотиб қўйди. Олдинроқ у бош мураббийи билан келиша олмаётгани борасида маълумотлар берилганди.

Бу мавсумда 30 ёшли Ўзил "Арсенал" таркибида 16 ўйинда қатнашди ва 4 гол уриб, 3 голга ассистентлик қилди. Унинг шартномаси 2021 йилга қадар давом этади.

35 миллион евро атрофида баҳоланаётган футболчига ҳозирда фақатгина "Манчестер Юнайтед" харидор бўлиб турибди. Бироқ "канонирлар" футболчини принципиал рақибига эмас, бошқа давлат клубига сотиб юбормоқчи.

Ҳавола :

Манба : Daily Mail

Янгиликларни Телеграмда ўқинг!

Рейтинг: -13