"Ўзи юртимизга нон сўраб келиб, тағин "Локомотив"дан камчилик қидиради" — Актамов Секейра ҳақида

Хорижлик мураббийлар ҳақида қандай фикрдасиз? Ушбу саволга мутахассис қуйидагича жавоб қайтарди. 

"Хорижлик мураббийлардан, яқинда матбуот анжуманида ўзининг тилида нимадирлар деган Микаэль Секейра бироз ошириб юборди. Бизнинг юртимизга ўзи нон сўраб келган, яна келиб келиб "Локомотив"дан камчилик қидиряпти. Барча шароитлар яратилган. Машғулот майдони асосий ўйин майдонидан яхшироқ.  Ўшандан норози бўлиб гапирганидан сўнг биз томонга ўтмаса ҳам бўлади. Сиз тушунган бўлсангиз умумий гапирган. У ўзига ёқмаган жиҳатларни айтди. Аслида четдан келиб муҳокама қилишга ҳаққи йўқ. Ўзимиздан Рўзиқул Бердиев гапирмоқда. Ўзим фикр билдирдим. У ўзининг давлатига бориб интервьюни қўйиб беряпти. Ўзимизнинг нонимизни еб Европага бориб ғийбат қилмоқда. Шароитни билиб ишга келган. ПФЛ ҳам, ЎФА ҳам ўзининг ишини билиб қиляпти. Футболимиз кўтарилган. Ўзбекистонга келиб оч қолдими? Нонсиз қолдими? Шунинг учун ҳафа бўлдим",- дейди Ҳамиджон Актамов.