Ўзбекистон ёшлар терма жамоаси ўз тарихидаги энг яхши натижани қайд этган турнир ярим финалида Жанубий Кореяни мағлуб этган. Ку Чжа Чеол, Шерзод Аъзамов... ушбу баҳсда яна кимлар иштирок этганини ёдга оламиз

Хабарингиз бор, бугун Ўзбекистон ёшлар терма жамоаси Осиё кубоги U-20 турнирининг ярим финалида Жанубий Кореяга қарши майдонга чиқади. Турнир авваллари U-19 Осиё чемпионати деб номланарди ва 19 ёшгача бўлган футболчилар ўртасида ўтказиларди. Жорий йилдан бошлаб эса мусобақа формати ўзгарди. 

Ўзбекистон ёшлар терма жамоаси энг яхши натижасини 2008 йилда қўлга киритган. Ўшанда Аҳмаджон Убайдуллаев шогирдлари финалга қадар етиб борган. Ҳал қилувчи баҳсда эса ёшларимиз БААга имкониятни бой бериб қўйганди. Жорий турнирда эса ушбу натижани янгилаш имконияти мавжуд. Бунинг учун дастлаб Жанубий Корея тўсиғидан ўтиши керак бўлади. Келинг, 2008 йилги мусобақанинг ярим финали доирасидаги Жанубий Корея — Ўзбекистон учрашувини ёдга оламиз.

U-19 Осиё чемпионати

1/2 финал

Саудия Арабистони, "Шаҳзода Муҳаммад бин Фаҳад" стадиони. 2008 йил, 11 ноябрь

Жанубий Корея U-19 — Ўзбекистон U-19 0:1

Гол: Шерзод Каримов (17)

Жанубий Корея U-19: 21.Ким Сеунг Гю, 2.Жеонг Жун Ён (16.Чои Жунг Ҳан, 66), 3.Юн Сук Янг, 4.О Жае Сук, 5.Ким Янг Гвон, 6.Мун Ки Ҳан, 7.Ку Чжа Чеол, 10.Чу Янг Чеол, 17.Ю Жи Но (20.Ҳонг Жеонг Ҳо, 80), 18.Ким Донг Суб, 23.Ким Бо Кюнг (15.Сео Ёнг Дук, 26)

Ўзбекистон U-19: 1.Илҳом Жуманов, 4.Шерзод Аъзамов, 5.Дилёрбек Эрматов, 6.Суннатилла Мамадалиев (22. Достон Абдураҳмонов, 70), 8.Шерзод Каримов, 16.Ойбек Қиличев (14.Зоҳид Раупов, 79), 17.Мурод Холмуҳаммедов, 18.Жусур Ҳасанов, 20.Ислом Тўхтахўжаев, 27.Иван Нагаев (9.Кенжа Тўраев, 40), 28.Фозил Мусаев

Огоҳлантиришлар: Мурод Холмуҳаммедов (39), Зоҳид Раупов (82), Илҳом Жуманов (90+1)

Четлатиш: Ким Сеунг Гю (90+2)

Учрашув видеоси