Ўзбекистон U-19 терма жамоамиз Япониядаги мусобақани ғалаба билан бошлади
10 авг 2015 14:30
Янгиликлар

Ўзбекистон U-19 терма жамоамиз Япониядаги мусобақани ғалаба билан бошлади

Теглар : Ўзбекистон U-19 Жасур Абдураимов

Ўзбекистон U-19 ёшлар терма жамоаси Япониядаги "Balkom BMW" халқаро турниридаги иштироки иштирокини ғалаба билан бошлади.

Япониянинг Хиросима шаҳрида старт олган "Balcom BMW Cup" халқаро турниридаги илк учрашувда Жасур Абдураимов бош мураббийлигидаги Ўзбекистон ёшлар терма жамоаси Польша ёшлар терма жамоасига қарши майдонга тушди. Таъкидлаш жоиз, учрашув анча қизиқарли ва голларга бой тарзда кечди. Ўйиннинг асосий вақти 2:2 ҳисобидаги дуранг билан якунланди ва мусобақа регламентига кўра ғолиб номи ўйиндан кейинги пенальтилар сериясида аниқланди. Унда Ўзбекистон ёшлар терма жамоасига омад кулиб боқди ва ушбу серия 6:5 ҳисобида Ўзбекистон ёшлар терма жамоасининг ғалабаси билан якунланди.

Аввалроқ хабар берилганидек, ушбу мусобақада Ўзбекистон ва Польша ёшларидан ташқари Япония ҳамда Хиросима шаҳри терма жамоаси ёшлари ҳам иштирок этадилар.

Ўзбекистон ёшлар терма жамоаси "Balcom BMW Cup" турниридаги иккинчи ўйинини 11 август куни Япония ёшларига қарши ўтказади.

"Balcom BMW Cup" халқаро турнири.
9 август. Хиросима, Япония.
Ўзбекистон (U-19) - Польша (U-19) - 2:2 (пенальтилар сериясида 6:5).

Голлар: Достон Иброҳимов (23), Беҳзод Ғанижонов (32)

Ўзбекистон U-19: Шохруҳ Раимов, Ислом Қобилов, Хушнуд Авилов, Турсунбой Рахимбердиев, Азизжон Ғаниев, Жамшид Юсупов, Достон Иброҳимов, Жасур Яхшибоев, Сухроб Нуруллоев, Санжар Қодирқулов, Беҳзод Ғанижонов.

Турнир жадвали