Ўзбекистон терма жамоасига "Насаф"дан 5 нафар футболчи чақирилди
07 фев 2020 10:40
Янгиликлар

Ўзбекистон терма жамоасига "Насаф"дан 5 нафар футболчи чақирилди

Ўзбекистон миллий терма жамоаси ЖЧ-2022 ва Осиё Кубоги-2023 саралаш баҳсларига тайёргарлик кўриш мақсадида 18-24 февраль кунлари БААда навбатдаги йиғин ўтказади.

Ўқув-машғулот йиғини доирасида терма жамоамиз Беларусь миллий терма жамоаси билан ўртоқлик учрашуви ўтказади.

Мазкур ўқув-машғулот йиғинига "Насаф"дан беш нафар футболчи чақирилди. Булар: Абдувоҳид Неъматов, Ҳусниддин Алиқулов, Шароф Муҳитдинов, Ойбек Бозоров, Бобир Абдихолиқов. Бундан ташқари клубнинг массажчиси Андрей Безбородов ҳам терма жамоа ихтиёрида бўлади.

Эслатиб ўтамиз, кеча "Сўғдиёна"дан ҳимоячи Сардор Қулматов ва ҳужумчи Шоҳруз Норхонов терма жамоага чақирув олгани ҳақида хабар берган эдик.