Ўзбекистон ўсмирлар терма жамоасининг навбатдаги йиғини бошланди
21 июн 2016 13:18
Янгиликлар

Ўзбекистон ўсмирлар терма жамоасининг навбатдаги йиғини бошланди

Темур Олимхўжаев бошчилигидаги Ўзбекистон ўсмирлар терма жамоаси 20 июнь куни Тошкентда ўзининг навбатдаги йиғинини бошлади.

Шу йилнинг 15 сентябрь — 2 октябрь саналари давомида Ҳиндистонда бўлиб ўтадиган ўсмирлар ўртасидаги Осиё чемпионатига тайёргарлик кўраётган Ўзбекистон U-16 терма жамоаси ушбу йиғин доирасида Беларусь билан иккита ўртоқлик учрашуви ўтказади.

Ҳар икки ўйин Минск шаҳрида бўлиб ўтади. Жамоанинг Беларусга қарши ўртоқлик учрашувларининг дастлабкиси 25 июнда бўлса, иккинчи ўйин 27 июнь санасига белгиланган. Ҳар икки учрашув маҳаллий вақт билан 18:00да бошланиши белгилаб қўйилган.

Эслатиб ўтамиз, Ўзбекистон ўсмирлар терма жамоаси Осиё чемпионатига финал босқичига ташланган қуръа натижасига кўра КХДР, Таиланд ҳамда Яман жамоалари билан бир гуруҳдан ўрин олган.

Олимхўжаев шогирдлари турнирни 17 сентябрь куни Таиландга қарши ўйин билан бошлайди. 20 сентябрда Яман ва 23 сентябрь куни эса КХДРга қарши майдонга тушади.

22 июнь куни Ўзбекистон U-16 Минскка жўнаб кетади. У ерга борадиган футболчилар рўйхати қуйидагича.

Дарвозабонлар:

№	Футболчи	Клуби	Туғилган жойи
1	Хожакбар Жўраев	“Пахтакор”	Тошкент
2	Абдувоҳид Неъматов	“Насаф”	Қарши

Ҳимоячилар:

№	Футболчи	Клуби	Туғилган жойи
3	Ихтиёр Холдоров	“Бунёдкор”	Чиноз
4	Мардон Абдуллаев	“Бунёдкор”	Навоий
5	Ислом Каримов	“Бунёдкор”	Денов
6	Абубакр Мўйдинов	“Бунёдкор”	Андижон
7	Шохзамон Хайруллаев	“Пахтакор”	Янгиер
8	Муҳаммадали Намозов	“Пахтакор”	Денов

Ярим ҳимоячилар:

№	Футболчи	Клуби	Туғилган жойи
9	Абдуғани Камолов	“Бунёдкор”	Наманган
10	Расул Йўлдошев	“Бунёдкор”	Самарқанд
11	Асадбек Собиржонов	“Пахтакор”	Янгиер
12	Остон Ўрунов	“Пахтакор”	Навоий
13	Бахромжон Соатов	“Пахтакор”	Наманган
14	Иброҳим Ғанихонов	“Пахтакор”	Тошкент
15	Ғайрат Азизхўжаев	“Бунёдкор”	Тошкент

Ҳужумчилар:

№	Футболчи	Клуби	Туғилган жойи
16	Шухрат Неъматов	“Бунёдкор”	Бухоро
17	Абдулҳай Исмоилов	“Бунёдкор”	Наманган
18	Дониёр Абдумўминов	УзДонгЖу	Андижон