Самвел Бабаян бошчилигидаги терма жамоа йиғинни Тошкентда давом эттирмоқда. Кеча, 22 июль куни жамоа “Жар” стадионида машғулот ўтказди.
Таъкидлаш керакки, 21 июль куни “Жар” стадионида бўлиб ўтган Ўзбекистон U-23 – Ироқ (2:1) учрашувида майдонга тушган бир неча футболчи, хусусан, Жалолиддин Машарипов, Достон Ҳамдамов, Сардор Мирзаев, Акромжон Комилов миллий терма жамоанинг кечаги машғулотларида иштирок этди.
Эслатиб ўтамиз, Жаҳон чемпионати-2018 саралашининг учинчи босқичига тайёргарлик кўраётган Ўзбекистон миллий терма жамоаси 24 июль куни “Бунёдкор” стадионида Ироқ миллий терма жамоасига қарши ўртоқлик учрашуви ўтказади. Ўйин 19:00да бошланади.
