Ўзбекистон ФИФА рейтингида 58-ўринга тушди
18 сен 2014 13:02
Янгиликлар

Ўзбекистон ФИФА рейтингида 58-ўринга тушди

ФИФА миллий терма жамоаларнинг август ойи учун янги рейтингини эълон қилди.

Унга кўра, Ўзбекистон миллий терма жамоаси ўтган ойдагига нисбатан 7 поғона пасайиб 58-ўринга тушиб кетди. Айни пайтда Миржалол Қосимов шогирдлари 530 очкога эгалар. Терма жамоамиз Осиёда ҳамон учинчи ўринда бормоқда.

Осиё қитъасида Эрон биринчи ўринга чиқиб олди. Форслар 44-ўринда. Япония эса 48-ўринга тушди. Жанубий Корея 63-ўринда бормоқда. Иордания 69, БАА 73-ўринда.

Осиё Кубоги-2015даги рақибларимизнинг ўринлари:
КХДР - 150
Хитой - 97
Саудия Арабистони - 82

Амалдаги Жаҳон чемпионлари Германия терма жамоаси умумий рўйхатда биринчи ўринда бормоқда. Ундан кейинги ўринларни Аргентина ва Колумбия терма жамоалари банд этишган.

Тўлиқ рейтинг билан ФИФА расмий сайтида танишиб олиш мумкин бўлади.

Ҳавола :

Манба : championat.asia

Янгиликларни Телеграмда ўқинг!

Рейтинг: