Мидори Ҳонда бошқарувидаги Ўзбекистон аёллар миллий терма жамоаси февраль ойида Париж-2024 Олимпия ўйинларининг Осиё минтақаси 3-саралаш босқичи доирасида Австралия терма жамоасига қарши иккита учрашув ўтказади.
Терма жамоа олдинда турган муҳим баҳсларга режа асосида тайёргарлик кўриш мақсадида Тошкентда навбатдаги ўқув-машғулот йиғинларига киришди.
28 январдан бошлаб йиғиннинг иккинчи қисми Марокашнинг Работ шаҳрида давом эттирилади. Жамоа Марокаш аёллар терма жамоасига қарши ўртоқлик ўйинлари ўтказиши режалаштирилган.
