Ўзбекистон 4-саватчада. Бизнинг гуруҳда Марокаш, Вьетнам, АҚШ, Ангола ва Венесуэла аниқ бўлмайди
27 май 2021 15:57
Янгиликлар

Ўзбекистон 4-саватчада. Бизнинг гуруҳда Марокаш, Вьетнам, АҚШ, Ангола ва Венесуэла аниқ бўлмайди

Шу йилнинг 12 сентябрь - 3 октябрь кунлари Литвада футзал бўйича навбатдаги жаҳон чемпионати бўлиб ўтади.

Ушбу мусобақада жами 24 терма жамоа иштирок этади ва жамоалар 4тадан 6 гуруҳга бўлинади. 1 июнь куни футзал бўйича жаҳон чемпионатининг гуруҳ баҳсларига қуръа ташланади, яъни шу куни Ўзбекистон футзал терма жамоаси ҳам ўзининг рақибларини билиб олади.

Қуръадан аввал барча иштрокчи жамоалар 6тадан 4та саватчага бўлиб чиқилди. Ўзбекистон терма жамоаси охирги 4-саватчадан жой олди. Бу дегани футзал терма жамоамиз 4-саватчадаги жамоалар билан бир гуруҳдан жой олмайди.

1-саватча: Литва (мезбон), Бразилия, Испания, Аргентина (амалдаги чемпион), Португалия, Россия.

2-саватча: Эрон, Парагвай, Миср, Коста-Рика, Таиланд, Чехия.

3-саватча: Соломон ороллари, Япония, Гуатемала, Қозоғистон, Сербия, Панама.

4-саватча: Ўзбекистон, Ангола, Марокаш, Венесуэла, АҚШ, Вьетнам.