Ўзбекча маданият - раҳмат сенга, Литва!

Қайд этиш керак, ушбу мундиалдан фақатгина ёқимли таассуротлар қолди. Футзалчиларимиз ўйин бобида, балки, дунёнинг энг кучли жамоаси эмасдир, аммо энг кучлилари билан бемалол ўйнай олишини кўрсатиб, мухлислар мехрини қозонишди. Эронга қарши ўйин якунига етганидан кейин эса футзалчиларимиз кийим алмаштириш хонасини тозалаб қўйиб, шу ёзувни қолдириб кетишди:

"Раҳмат, Вильнюс!". Ўзбекистон термаси барча ўйинларини Литва пойтахтида ўтказди.

12 сентябрь. 1-тур. Ўзбекистон - Гватемала 4:5

15 сентябрь. 2-тур. Ўзбекистон - Россия 2:4

18 сентябрь. 3-тур. Миср - Ўзбекистон 1:2

24 сентябрь. Чорак финал. Ўзбекистон - Эрон 8:9

Сўнгги йилларда бундай иш ўзбек мухлислари-ю, футболчилари томонидан кўп такрорланаётганди. Бугун эса яна бир бор ўзбеклар маданияти ҳали ҳам юқори даражада эканлигини, юлдузлик бизга ёт нарсалигини барчага кўрсата оляпмиз. Биринчи мундиалда гуруҳдан чиқа олмагандик, бунисида чиқдик. Навбатдаги жаҳон чемпионатида эса мақсад узоқроқ олиниши шубхасиз.