Ойбек Қиличев: “Бош мураббий таклифига кўра “Навбаҳор”ни танладим”
04 фев 2017 15:40
Янгиликлар
![](https://championat.asia/upload/storage/238807_original.jpg)
![](/upload/storage/238807_220.jpg)
Ойбек Қиличев: “Бош мураббий таклифига кўра “Навбаҳор”ни танладим”
Ўтган мавсум иккинчи ярмини Малайзиянинг “Перак” клубида тўп сурган футболчи “Навбаҳор”га ўтишини қуйидагича изоҳлади:
- Мавсумлар оралиғида юртимизнинг 2-3 та клубидан таклифлар бор эди. Жамоа бош мураббийи Илҳом Мўминжонов билан яхши муносабатда бўлганимиз боис “Навбаҳор” таклифини қабул қилдим. Мўминжонов “Пахтакор” жамоасида ишлаган. Қолаверса, Илҳом ака билан “Трактор” жамоасида ҳам бирга тўп сурганмиз. Мўминжонов билан учрашганимизда жамоага ёрдамим кераклигини айтиб ўтди. Шундан сўнг жамоа сафига бориб қўшилдим. Яқинда “Навбаҳор” жамоаси билан ярим йиллик шартнома имзоладик. Шу ўринда нима учун ярим йиллик шартнома тузилди деган савол туғилади.
Биринчи навбатда Ўзбекистонни соғинганим учун юртимизга қайтдим. Шу сабабли, “Навбаҳор”да ярим мавсум фаолият олиб бораман. Олти ойдан кейин хориждан қизикарли таклиф бўлса ўйлаб кўрашим мумкин. Шуни ҳисобга олиб ярим йиллик шартнома тузишни таклиф қилдим. Агарда давралар оралиғида хориждан таклиф тушмайдиган бўлса фаолиятимни “Навбаҳор”да давом эттираман. Айни пайтда жамоа таркибига маҳоратли футболчилар йиғилган. Ҳар бир жамоа ўз олдига фақат юқори натижаларни қайд этишни мақсад қилиб қўяди. “Навбаҳор”ни ҳозирги мақсади ҳам шундай.
Ўхшаш янгиликлар
![AMP Logo](https://championat.asia/image/logo-amp.png)
Фикрлар