Осиё Кубогидаги рақибимиз Японияга янги бош мураббий тайинланди

Шу кунга қадар Япония U-23 терма жамоасини бошқарган Хажиме Мориясу Япония миллий терма жамоаси бош мураббийи этиб тайинланди. У Акиро Нишинодан сўнг бўшаб қолган лавозимни эгаллади. Хажиме Мориясу футболчи сифатида 1992 йил терма жамоа сафида Осиё Кубогида ғолиб бўлган. Мураббий сифатида 3 марта Япония чемпиони, икки бор Япония Суперкубоги соҳиби бўлган. 2015 йил клублар ўртасидаги Жаҳон чемпионатида 3-ўринни эгаллаганди.

Япония Россияда ўтган Жаҳон чемпионатининг 1/8 финалида Бельгияга 2:3 ҳисобида мағлуб бўлиб мундиални тарк этган.

Эслатиб ўтамиз, Япония Осиё кубоги-2019да Ўзбекистон билан бир гуруҳдан жой олган. Ушбу жамоалар ўртасидаги баҳс 17 январь куни БААнинг Ал Айн шаҳрида бўлиб ўтади.

Осиё Кубогидаги рақибимиз Япония мусобақагача 7та ўртоқлик учрашуви ўтказади