Осиё Кубоги-2007 ғолиби: "Ўзбекистоннинг имкониятлари юқорироқ"
05 июн 15:50
Янгиликлар

Осиё Кубоги-2007 ғолиби: "Ўзбекистоннинг имкониятлари юқорироқ"

Ироқ терма жамоаси билан 2007 йилги Осиё кубогини қўлга киритган Жорван Виейра БАА - Ўзбекистон учрашуви ҳақидаги фикрлари билан ўртоқлашди.

"Менинг фикримча Ўзбекистон терма жамоасининг имкониятлари юқорироқ. Бу менинг шахсий фикрим. Ўйин Ўзбекистон учун сафарда бўлаётгани терма жамоа учун асосий муаммо бўлса керак. Тимур Кападзе жуда яхши мураббий, у шу вақтга қадар яхши тажриба ҳам орттирди. Олимпия терма жамоасини бир неча йиллар давомида бошқарди. Тимур узоқ йиллар давомида терма жамоада ўйнаган ва ўзи ҳам профессионал футболчи бўлган. Бу эса жуда муҳим жиҳат деб ўйлайман, айниқса кийиниш хонасини назорат қилиш ва бошқа масалаларда ушбу жиҳат катта роль ўйнайди. Бош мураббий собиқ футболчи бўлса, у кийиниш хонасини назорат қила олади. Кападзе Ўзбекистонни ЖЧга олиб чиқишга энг лойиқ мураббий деб ўйлайман.
Тўғри БАА терма жамоаси ҳам бош мураббийини ўзгартирди ва бугунги учрашувда ғалаба қозониш уларга жуда керакли. Космин Олариу жуда тажрибали мураббий. У Хитойда ва Араб мамлакатларда ишлаган. Олариуни қаттиқ ҳурмат қиламан. БАА таркиби ҳам яхши кучайди, бразилиялик бир нечта футболчилар маҳаллийлаштирилди" - дея фикр билдирди Жорван Виейра бугунги учрашув ҳақида.