Осиё футболи. Сречко Катанец ишга киришди
06 сен 2018 12:57
Янгиликлар
Ўз вақтида Словения ва Югославия терма жамоаларида тўп тепган Сречко Катанец Ироқ терма жамоаси бош мураббийи сифатида ишга киришди. 55 ёшли мураббий бунгача Македония, БАА, Словения термаларини бошқарган.
Сречко Катанец аввалги ҳамкасби Басим Қасимнинг ўрнини эгаллади. У янги жамоада иш бошлаганидан мамнун эканини айтиб ўтди.
- "Мен Ироқ терма жамоасини қабул қилиб олганимдан хурсандман. Биз Осиё Кубогига жиддий тайёргарлик кўришга ҳаракат қиламиз, лекин бу осон бўлмайди. Терма жамоани ҳар томонлама кучайтириш кўп вақтни олади. Ироқда иқтидорли футболчилар кўп ва биз тўғри йўлда ишласак терма жамоа ҳам кучайиб боради".
Ироқ терма жамоаси Осиё Кубогида "D" гуруҳидан жой олган ва Эрон, Вьетнам ҳамда Яманга қарши баҳс олиб боради. Ироқликлар янги мураббий қўл остида 10 сентябрь куни Қувайтга қарши ўртоқлик учрашуви ўтказишади.
Ўхшаш янгиликлар
championat.asia
Месси МЛСда ой ўйинчиси деб топилди
Суперлига. "Пахтакор" "Машъал" устидан минимал ғалабага эришди
Конференциялар лигаси саралаши. "Истанбул Башакшеҳир" "Черно Море"ни қийинчиликсиз мағлуб қилди, Шомуродов захирадан майдонга тушди
"Барселона" "Сеул"ни "хоккейча" ҳисобда мағлуб этди
Фикрлар