Осимхен "Ювентус"ни рад этди. АПЛнинг 2 та клуби уни трансфер қилмоқчи
22 май 2025 17:50
Янгиликлар

Осимхен "Ювентус"ни рад этди. АПЛнинг 2 та клуби уни трансфер қилмоқчи

Виктор Осимхеннинг "Ювентус"га рад жавобини бериши ортидан "Арсенал" ва "Манчестер Юнайтед" ўртасидаги курашга йўл очилди.

Италиянинг "Il Mattino" нашри хабарига кўра, жорий мавсум "Галатасарой"да ижара асосида ўйнаган ва барча мусобақаларда 36 та гол урган 26 ёшли ҳужумчи Турин клубига ўтишни режалаштирмаяпти.

Нигериялик футболчининг "Наполи" билан шартномасида товон пули 75 млн еврони ташкил этади. Шартнома яна бир йилга амал қилади, клуб уни 2027 йилгача узайтириш имкониятига ega. Бироқ "Наполи" бу суммани тўлашга тайёр жамоани топишда қийналиши мумкин.

"Арсенал" нигериялик футболчини "Спортинг" ҳужумчиси Виктор Гёкерешга муқобил деб билмоқда. "Манчестер Юнайтед" эса "Вулверхэмптон" футболчиси Матеус Кунья ва "Ипсвич"дан Лиам Делапни кўзламоқда.

Ҳавола :

Манба : Il Mattino

Янгиликларни Телеграмда ўқинг!

Рейтинг: +3