"Олмалиқ": Сўнгги назорат баҳсида ғалаба
25 июл 2017 14:55
Янгиликлар

"Олмалиқ": Сўнгги назорат баҳсида ғалаба

Жамоамиз Минск шаҳрида ўқув-машғулот йиғини давомидаги сўнгги назорат ўйинини ўтказди.

Жамоамизга бу гал Минск шарафини ҳимоя этувчи "Крумкачи" рақиб вазифасини ўтади. Уч ҳафта давом этган машғулотлар якуни ижобий натижа билан якунланди. Футболчиларимиз бу баҳсда рақибга ҳеч қандай имкон қолдиришмади ва 5:0 ҳисобида зафар қучишди. Ўйинда урилган голларнинг барчаси иккинчи таймда рақиб дарвозасига киритилди. Фарҳод Тожев хеттрикка эришган бўлса, Виктор Клишин ва Санжар Риҳсибоев ўз ҳисобига биттадан гол ёздириб қўйди.

Шу билан жамоамизнинг Минск шаҳридаги ўқув-машғулотлари ўз якунига етди. Эртага куннинг биринчи ярмида футболчилар сўнгги машғулотни югуриш йўлакчасида ўтказишади. Кечки пайт жамоа Минск-Тошкент йўналишида юртимизга қайтади.

Ҳавола :

Манба : fc-olmaliq.uz

Янгиликларни Телеграмда ўқинг!

Рейтинг: +2