Олий таълим муассасалари талабалари ўртасидаги футбол мусобақасининг 2-босқичига старт берилмоқда
28 май 2018 18:53
Янгиликлар

Олий таълим муассасалари талабалари ўртасидаги футбол мусобақасининг 2-босқичига старт берилмоқда

ЎФА Олий ва ўрта махсус таълим вазирилги билан ҳамкорликда Ўзбекистонда спортнинг футбол турини оммавийлаштириш, талабалар ўртасида соғлом турмуш тарзини тарғиб қилиш мақсадида Олий таълим муассасалари ўртасида футбол бўйича “ЎФА Кубоги” мусобақасини ўтказиб келмоқда.

Жорий йилнинг май ойига қадар ушбу мусобақанинг Қорақалпоғистон Республикаси, вилоятлар, ҳамда Тошкент шаҳри ҳудудлари бўйича 1-босқич мусобақалари ўтказилди. Ҳар бир ҳудудда ғолиб бўлган 1 тадан Олий таълим муассасаси 2-босқичга йўлланмани қўлга киритди.

2-босқич баҳслари июнь ойида 4та минтақага бўлинган ҳолда ташкил этилади. Андижон, Наманган ва Фарғона вилоятларининг ғолиб жамоалари Наманган шаҳрида, Сурхондарё, Қашқадарё, Навоий ва Самарқанд вилоятларининг ғолиб жамоалари Самарқанд шаҳрида, Қорақалпоғистон Республикаси, Бухоро ва Хоразм вилоятларининг ғолиб жамоалари Урганч шаҳрида ҳамда Тошкент шаҳри, Тошкент, Сирдарё, ва Жиззах вилоятларининг ғолиблари Тошкент шаҳрида мусобақани давом эттирадилар.

2018 йилнинг октябрь ойида Тошкент шаҳрида ҳар бир минтақада ғолиб бўлган Олий таълим муассасалари 3-босқич, яъни мусобақанинг финал қисмида майдонга тушадилар.

Ҳавола :

Манба : the-uff.com

Янгиликларни Телеграмда ўқинг!

Рейтинг: +3