Олег Тюлькин: "Таркибимизда Фарҳод Тожиевдан кучли футболчи йўқ"

Ўйиндан кейинги матбуот анжуманининг биринчи қисмида самарқандликлар бош мураббийи Олег Тюлькин иштирок этди.

- Қизиқарли ўйин бўлди. Қизил карточка бизнинг ўйинимизга таъсир кўрсатди. "Бунёдкор"ни финалга чиққани билан табриклайман. Бизга қайсидир жабҳаларда маҳорат етишмади. Мухлисларга ўз миннатдорчилигимни билдираман.

Истеъфо? Буни клуб раҳбарияти ҳал этади. Агарда бу жамоа фойдасига ишласа, мен албатта бўшайман.

Фарҳод Тожиев? Нега уни доим асосий таркибга қўяман? Чунки у тажрибали ва кучли футболчи. Ҳозирда таркибда ундан кучли футболчи йўқ. Тожиев келганидан сўнг гол уролмаётганимизга омад етишмаётгани сабаб бўлмоқда. Мен буни бошқача изоҳлай олмайман.

Амиржон Сафаров тўп учун курашаётганда қўпол ўйнади. У атайлаб рақибга жароҳат етказиш учун бу ҳаракатни амалга оширмади, тўп учун ўйнамоқчи бўлган эди.