ОКМК хорватиялик футболчи билан шартнома имзолади
30 июл 2024 23:38
Янгиликлар

ОКМК хорватиялик футболчи билан шартнома имзолади

Ёзги трансфер ойнаси якунланишига оз вақт қолган пайтда ОКМК хорватиялик футболчи Михаэль Клепачни ўз таркибига қўшиб олди.

Михаэль Клепач 1997 йил 19 сентябрь санасида Хорватиянинг Нашисе шаҳрида туғилган. ОКМК ва футболчи ўртасида ярим йиллик, яъни шу йил охиригача шартнома имзоланди.

27 ёшли футболчи ўнг ва чап қанот ярим ҳимоясида ва ҳужумчи ортида ҳаракатланади. "Кончилар"нинг навбатдаги янги легионери фаолияти давомида "Осиек", "Зелезничар", "Вараздин", "Йвердон", "Рудеш", "НК Дугополе", "Алюминий" ва "Мура" жамоаларида тўп тепган.

Унинг сўнгги жамоаси Швейцария олий лигасининг "Йвердон" клуби эди. Футболчи ушбу клубларда жами 184 марта майдонга тушиб, рақиб дарвозаларига 33 бор йўл топа олган ва 15 бор голли узатмани амалга оширган.