ОФКнинг икки кунлик семинари якунланди

Даставвал, маҳаллий вақт билан 9:00да Осиё Чемпионлар лигаси мусобақаси масъули Павел Лузанов тадбирни кириш қисмини очиб берди ва “Допинг назорати ва шифокор масалалари” юзасидан маъруза ўқиши учун доктор Гурчаран Синх таклиф этди. Малайзиялик машҳур мутахассиснинг чиқиши кўпчиликда катта қизиқиш уйғотди. Гурчаран Синх Бразилияда ўтган 2014 йилги жаҳон чемпионатида аниқланган камчиликлар ва баҳсли вазиятлар юзасидан тайёрланган маҳсус роликни йиғилганларга намойиш этиб, ушбу ҳолатларни такрорламасликка чақирди.

Шундан сўнг “Матбуот хизмати масалалари” бўйича Четанг Кулкарни чиқиш қилди. Унинг маърузфаси ва намойиш этган ролиги ҳам клублар вакиллари учун фойдали бўлди. Йошими Огава эса “Ҳакамлар масалалари”га тўхталиб ўтди. Унинг маърузфаси кўпчликнинг диққат эътиборини тортди. Айниқса, намойиш этилган баҳсли вазиятлар ролиги жуда-жуда қизиқарли бўлди.

Режага кўра, сўнгги бўлиб “Маркетинг масалалари” бўйича чиқиш қилинди. Унда ОФКнинг янги ҳомий ва ҳамкорларига тўхталиб ўтилди. Шунингдек, учрашувларни ташкил этишда белгиланган талабларга амал қилиш лозимлиги клубларга яна бир карра тушунтирилди.

Шу тариқа, 2015 йилги Осиё Чемпионлар лигаси ва ОФК кубоги мусобақалари олдидан ташкил этилган семинар ўз якунига етди.