ОФК Кубоги. Тўрт нафар ўзбекистонлик футболчи ўйнаётган "Хўжанд" гуруҳ босқичига чиқди

Қирғизистоннинг “Нефтчи” жамоасига қарши кечган жавоб учрашув кескин курашларга бой тарзда ўтди ва унда Тожикистон жамоаси қўшимча таймларда йирик 3:0 ҳисобида ғалаба қозонди. Умумий 3:1 кўринишидаги мазкур натижа “Хўжанд”га ОФК кубоги гуруҳ босқичи эшикларини очди. 

Бевосита беллашувга тўхталадиган бўлсак, 33-дақиқада Дилшод Бозоров рақиб дарвозасини аниқ нишонга олди. Асосий вақтда дарвозаларга бошқа тўп киритилмади. Икки ўйин натижасига кўра дуранг бўлгани боис, бош ҳакам жамоаларни овертаймларга таклиф қилди. Қўшимча бўлимларда Дилшод Бозоров иккита гол уриб умумий ғалабани таъминлади. 

"Хўжанд" сафида ўзбекистонлик Маъмур Икромов, Сирож Ҳамроев, Санжар Риҳсибоев ва Андрей Сидоров каби футболчилар тўп тепишди. 

“Хўжанд” (Тожикистон) - “Нефтчи” (Қирғизистон) 3:0

Душанбе. Республика “Марказий” стадиони. 5200 томошабин. 

ОФК кубоги. Плей офф. Жавоб учрашуви.

Бош ҳакам: Аҳмад Файсал Аль Али.

Назоратчи: Окада Масайоши ( Япония).

Комиссар: Аҳмед Тиллаев ( Ўзбекистон).

Голлар: Дилшод Бозоров, 33 ( 1:0). Дилшод Бозоров, 107 ( 2:0). Дилшод Бозоров, 117 (3:0).

“Хўжанд” (Тожикистон): Маъмур Икромов, Сирож Ҳамроев, Фирдавс Чкалов (Манучеҳр Аҳмедов, 114), Алишер Баратов (Манучеҳр Сафаров, 83), Ойбек Абдуғаффоров, Баҳтиёр Чориев (Комрон Мирзанажод), Абдулмўмин Забиров, Санжар Рихсибоев, Фатхулло Фатхуллоев, Андрей Сидоров (Амиржон Сафаров), Дилшод Бозоров. 

Биринчи учрашув: 0:1.