ЎФФ Ойбек Қиличевни кечирадими?

Ўтган мавсумда ЎФФ томонидан бир йилга футболдан четлатилган Ойбек Қиличев "Навбаҳор"нинг дастлабки машғулотида иштирок этди.

lochinlar.uz сайти хабарига кўра, Қиличев ва "Навбаҳор" ЎФФга дисквалификация борасида мурожаат қилиб, кечирим сўрашган. Яқин кунларда федерация Қиличевнинг тақдирига ойдинлик киритади. Катта эҳтимол билан Ойбек авф этилади ва "Навбаҳор"да ўйнашда давом этади.

Эслатиб ўтамиз, Ўзбекистон чемпионатининг 25-тури доирасида “Қўқон-1912” (Қўқон) – “Навбаҳор” (Наманган) ўйинида “Навбаҳор” футболчиси Ойбек Қиличев рақибга нисбатан кескин ҳаракат қилганди.

Шу боис ЎФФ Ижроия Қўмитаси Бюроси Ойбек Қиличевга 10 миллион сўм жарима тайинлаб, уни 1 йил муддатга футболчилик фаолиятидан четлатилганди.