ЎФА: Осиё ўйинларига борадиган якуний таркиб ҳали аниқ эмас

Кўпчилик футбол мухлислари мазкур мусобақада футбол бўйича терма жамоамиз иштирокини сабрсизлик билан кутишяпти.

Равшан Ҳайдаров бошчилигидаги Ўзбекистон олимпия терма жамоаси Осиё ўйинларига жиддий тайёргарлик олиб боряпти. Ўзбекистон миллий олимпия қўмитаси ҳамда Ўзбекистон футбол ассоциацияси томонидан терма жамоамиз аъзолари учун барча шароитлар, ўқув машғулот йиғинлари ташкил қилиб берилмоқда.

Шу йилнинг 3-9 август кунлари Осиё ўйинлари олдидан сўнгги ўқув-машғулот йиғини ўтказилади. Ана шу йиғиндан кейин мураббийлар штаби Осиё ўйинларига борадиган якуний таркиб борасида бир тўхтамга келади. Ўша пайтда жисмоний ва функционал жиҳатдан ҳар томонлама тайёр бўлган футболчилар Осиё ўйинларининг якуний рўйхатига киритилади.

Осиё ўйинларида қатнашадиган Ўзбекистон ОТЖнинг якуний таркиби Ўзбекистон футбол ассоциациясининг расмий сайти орқали алоҳида эълон қилинади.