Одил Ҳамробеков: "Ўтказиб юборилган голда барчанинг айби бор"

Унда Тошкентнинг "Локомотив" клуби Қаршининг "Насаф" жамоаси билан беллашди. Учрашувда "темирйўлчилар" ягона гол эвазига "аждарлардан" устун келди. Баҳсдан сўнг "Насаф" футболчиси Одил Хамробеков ўз фикрларини билдирди.

"Ғалаба қозониш учун қўлимиздан келганча ҳаракат қилдик. 2016 йил ҳисобидан ушбу кубокни қўлга киритишни истагандик. Менимча мухлисларга ёқадиган ўйин бўлди. "Локомотив" жамоаси таркибида тажрибали футболчилар бўлгани учун мағлубиятга учрагандирмиз.

Келаси йили совринларни қўлга киритишга ҳаракат қиламиз. Бизда кўплаб вазиятлар бўлди аммо улардан унумли фойдалана ололмадик. Балки бу омад билан боғлиқдир. Жамоадошларим қўлидан келганча ҳаракат қилди, бунинг учун барчага раҳмат айтаман. Футбол жамоавий ўйин, унда бир киши хато қилмайди. Ўтказиб юборилган голда ҳамманинг айби бор", - дейди "Насаф" ярим ҳимоячиси Одил Ҳамробеков.


Жаҳонгир Сотволдиев