UZ

Сўнгги янгиликлар

03:19Эрон Про лигаси. "Трактор" ўз уйида ғалабага эришди, Ҳамробеков бир бўлим ҳаракат қилди  0 03:10А Серия. "Ювентус" "Кальяри"ни, "Милан" "Лацио"ни мағлуб этди  2 03:03Саудия Арабистони Қирол кубоги. "Ал Ҳилол" ва "Ал Иттиҳод" ўз рақибларини йирик ҳисобда мағлуб этди  0 03:00АПЛ. "Тоттенхэм" Лондон дербисида "Фулхэм"га мағлуб бўлди  2 02:57Ла Лига. "Атлетико" ўз уйида Серлотнинг дубли эвазига "Реал Овьедо"ни қийинчиликсиз мағлуб этди  0 02:01Бундеслига. "Бавария" қийинчилик билан "Санкт-Паули"ни мағлуб этди, "Боруссия" эса меҳмонда "Байер"ни мағлуб этди  0 00:56Ўзбекистон U-18 қизлар терма жамоаси Эронни CAFA мусобақасида мағлуб этган ўйиндан ФОТОГАЛЕРЕЯ  2 00:45Суперлига. "Қизилқум" - "Шўртан" 3:3   0 00:07Туркия Суперлигаси. "Башакшехир" меҳмонда ғалабага эришди, Шомуродов ва Файзуллаев гол урди!  57 23:35Суперлига. "Навбаҳор" – "Пахтакор" 1:1  0 23:14Лига 1. "Монако" ўз уйида ПСЖни мағлуб этди  9 22:24Ла Лига. "Барселона" "Камп Ноу"да "Алавес"ни мағлуб этди  49 22:05АПЛ. "Манчестер Сити" 90+1 дақиқада Фоден томонидан урилган гол эвазига "Лидс"ни мағлуб этди, Ҳусанов захирада қолдирилди  18 21:49Акмал Рустамов: "Келаси йил кучлилар орасида бўлишни хоҳлаймиз"  1 21:19Асрор Алиқулов: "Шўртан" Суперлига даражасидаги жамоа, келаси йил яна қайтишимиз керак"  1

Одил Аҳмедов болалар футболининг янги халоскори(ми)? Янгиликлар

Одил Аҳмедов болалар футболининг янги халоскори(ми)?

Ўзбекистонда болалар футболининг ривожига ўзининг катта хиссасини қўшиб келаётган Одил Аҳмедов яна бир ишга қўл урди.

У Тошкент шаҳар футболида фаолият олиб бораётган мураббийлар учун ташаббус кўрсатган ҳолда УЕФА Про лицензиясига эга мутахассис Юрий Сверковни жалб қилиб, Европада кузатилаётган янгиликлар ҳақида уларнинг фикр мулоҳазаларини эшитди.

Айни пайтда, ўзининг болалар академиясига эга терма жамоамизнинг собиқ сардори, имкон қадар Ўзбекистонда ёшлар мураббийларининг замонавий фаолият олиб боришлари ва мусобақаларни сифатли кўринишга келиши ҳақида бош қотирмоқда.



УЕФАлик мутахассис билан йил охиригача шартнома имзоланди. Бугун Юрий Геннадьевич пойтахтда фаолият олиб бораётган мутахассислар учун Европада бугун кузатилаётган стандартлар ва янгиликлар ҳақида қисқача ахборот бериб ўтди. Яқин кунларда у водийга ҳам ташриф буюради ва "Водий Лигаси" финалини кузатади. Бир кун аввал эса мутахассис лигада иштирок этган мураббийлар учун Германия ва Нидерландиядаги дастур ҳақида тушунча беради.

"Юртингизга таклиф қилганлигингиз учун раҳмат. Сўнгги бир ҳафта давомида кўплаб ўйинларга ташриф буюрдим ва кўрдимки, истеъдодлар етарлича. Мақсадингиз Осиёда ўз ўрнингизга эга бўлган ҳолда, Жаҳон чемпионатининг доимий иштирокчиси бўлишлиги қувонарли. Лекин бу осон иш эмас, бунинг учун кўп вазифаларни уддалаш керак. Тошкентдаги рақобат жуда кучли экан. 35 миллион аҳоли бу кичик нарса эмас, шунча аҳолисига эга мамлакатдаги ўйинчилар ҳам жуда кўп бўлиши керак. Умид қиламан, сизлар билан иш олиб бориш мен учун ҳам қизиқ бўлади", - дейди мутахассис.



Узрли сабабга кўра тадбирга кела олмаган Одил Аҳмедов билан телефон орқали боғландик.
- Кўпчилик айтиши мумкин, нима учун бу рақиб жамоаларини ҳам тадбирга чақирди деб. Ҳозир ҳам Тошкентда рақобат йўқ эмас, лекин шу рақобатнинг ортида сифат ётса, аниқ биз ЖЧга чиқамиз. Рақобат ҳамма ерда бўлиши мумкин, рақобат савиядан келиб чиқиб бўлаверади. Лекин сифатли рақобатга эгамизми? Мана шу мени қийнаб келарди. Ҳамкорларим нафақат "Одил Аҳмедов академияси"ни, балки Республика бўйлаб барча билан биргаликда футболни кўтаришимиз кераклигини айтиб ўтишганда иккиланмай рози бўлдим. Биз зўрмиз деб юраверсак, эртага мана шундай мундиалларсиз қолиб кетаверамиз. Майли менинг жамоам ҳамма мусобақаларни ютмасин, аммо эртага сифатли иш туфайли яна кўплаб яхши жамоалар юзага келса, бундан терма жамоамиз ютади. Ҳали бу бошланиши, режаларим жуда катта.

- Бу ишга қўл уришингизга айнан нима сабаб бўлди?

- Ўзим клуби ташкил қилиб яна бир бор амин бўлдим, бизда мураббийларнинг тайёрлаш тизими бораси Осиёнинг кучли жамоаларидан ортда экан. Мана шунинг учун ҳам бугун Ўзбекистонда фаолият олиб бораётган мураббийлар билан биргаликда ўсишни ният қилдим. Бу бошланиши, вақт ўтиши билан Европанинг топ жамоаларидан ҳам семинар ўтказиш учун мутахассислар таклиф қиламиз. Биз қачон, қандай машғулот беришни ва ўйинларда улардан қандай тўғри фойдаланиш кераклигини мукаммал ўзлаштириб олишимиз керак. Бунга вақт кетади, лекин қачондир қилишимиз керак.





Рейтинг: +26   

Фикрлар

championat.asia
< сўнгги янгиликларни кўриш
Яндекс.Метрика