ОЧЛ. Хитой клубларининг ўйинлари апрель-май ойларига қолдирилди

ОФК мажлисда Хитой клубларининг 3 тур ўйинларини коронавирус туфайли 2020 йилнинг апрель ва май ойларига қолдиришни таклиф этди. 1/16 финал ўйинларини эса 16-17 июнь кунларида, жавоб ўйинларини эса 23-24 июнь кунлари ўтказиш таклиф этилди. Томонларнинг келишувига кўра, ўйинларга 21 кун қолганда ўйин бўйича барча масалалар ҳал қилиниши керак, агар бунинг акси бўлса, мезбон клуб ўйин кунига 14 кун қолганида ўйиннинг қаерда бўлишини белгилаши керак.

Фавқулодда йиғилиш коронавирус туфайли бўлиб ўтди ва ҳозир Жаҳон соғлиқни сақлаш ташкилоти томонидан фавқулодда ҳолат деб эълон қилинган.