"Пахтакор" ўз майдонида Тошкентга келишдан олдин Қатар чемпионлигини қўлга киритган "Ал Садд" клубини қабул қилади. Учрашув 19:00да бошланади. Қуйида ушбу ўйинга оид баъзи фактларни келтириб ўтамиз.
- Ҳар икки жамоа бунгача икки марта тўқнаш келган. ОЧЛ 2011 йилги мавсумда жамоалар битта гуруҳда баҳс олиб боришган. Қатарда "Ал Садд" ғалаба қозонган ва Тошкентда дуранг қайд этилган.
- "Пахтакор" ОЧЛда Қатар клубларига қарши охирги 7та ўйинидан фақат иккитасида ғалабага эришган. Лекин жамоа ўз майдонида ҳали ютқазмаган.
- "Пахтакор" шу пайтгача ўз уйида 44 марта ўйнаган бўлиб, шундан 27тасида зафар қучган ва 8 бор дуранг ўйнаган. "Пахтакор" ўз майдонида 2013 йилдан бери мағлуб бўлмаяпти.
- "Пахтакор" сафидаги энг сермаҳсул футболчи Жалолиддин Машарипов бўлиб турибди. У шу мавсумнинг ўзида 9 бор дриблинг амалга оширишиб 10 марта хавфли вазият яратди.
- Бугунги ўйинни ҳимоячи Егор Кримец сариқ карточкалар сабаб ўтказиб юборади.
- "Ал Садд" ўтган турда "Персеполис"ни мағлуб этди ва бу кўрсаткич жамоанинг охирги бешта ўйинидаги илк ғалабаси бўлди. "Ал Садд" бунгача икки бор дуранг ўйнаб, икки марта ютқазиб қўйганди.
- "Ал Садд" ҳужумчиси Багдад Бунеджа ўтган йилги ОЧЛ энг яхши тўпурари ҳисобланади. У 13та гол уришга муваффақ бўлди.
- "Ал Садд"нинг "Пахтакор"га қарши охирги ўйини 1:1 ҳисобида якун топган (2011 йил).
- Қатар клуби сардори Ҳассан Ал Ҳайдос бунгача ўтказилган иккита ўйинда 10 бор хавфли вазиятни юзага келтирди. Бу энг яхши кўрсаткичлардан бири бўлиб турибди.
