"Istiqlol" rasmiy saytida berilgan ma'lumotga ko'ra, TFF ishqibozlar uchun tekin avtobus tashkil qilgan.
Bugun, 11 fevral kuni kechasi uchta avtobus 100dan oshiq muxlislar bilan birga "Istiqlol"ni qo'llab-quvvatlash uchun Dushanbedan Toshkent viloyatiga yo'l oladi. Avtobuslar o'yin yakunlanishi bilan ishqibozlarni Dushanbega eltib qo'yadi.
Eslatib o'tamiz, bu Tojkistonning "Istiqlol" klubi uchun OCHLdagi debyut o'yin hisoblanadi. AGMK - "Istiqlol" o'yini 12 fevral kuni Toshkent vaqti bilan 16:00da boshlanadi.
