ОЧЛ. 3-тур рамзий терма жамоаси
19 мар 2015 13:20
Янгиликлар

ОЧЛ. 3-тур рамзий терма жамоаси

17-18 март кунлари Осиё чемпионлар лигасининг 3-тур баҳслари бўлиб ўтди. Бу тур ўзбек клублари учун омадсиз келди, биргина "Насаф" қайд этган дурангни ҳисобга олмаганда.

"Бунёдкор" ва "Пахтакор" ўз майдонида бир хил 0:1 ҳисобида имкониятни бой берган бўлса, "Локомотив" Қатарда шармандали тарзда ютқазиб қўйди. Биласиз, ОЧЛнинг ҳар бир туридан сўнг ўзимизнинг клублар кўрсатган ўйин ва қайд этган натижадан келиб чиққан ҳолда тур рамзий термасини тузиб боряпмиз.

Аммо бу тур учта жамоа ютқазиб қўйгани учун таҳририят ходимлари билан ўзаро маслаҳатлашган ҳолда рамзий термага фақат "Насаф" футболчиларини киритдик. Бундай қилганимиз учун бошқалар ўзларига дарс чиқаришади деган умиддамиз. Демак, қуйида ОЧЛ 3-тур рамзий термасини келтириб ўтамиз.

ДАРВОЗАБОН
Элдор Суюнов ("Насаф")

ҲИМОЯЧИЛАР
Рой Рок, Ҳамза Каримов, Шерзод Аъзамов, Шуҳрат Муҳаммадиев (ҳаммаси "Насаф")

ЯРИМ ҲИМОЯЧИЛАР
Мақсуд Каримов, Фаррух Сайфиев, Одил Ҳамробеков, Эркин Бойдуллаев, Артур Геворкян (барчаси "Насаф")

ҲУЖУМЧИ
Илҳом Шомуродов ("Насаф")

Захирадаги ўйинчилар: Ботир Қораев, Илҳом Юнусов, Олександр Коблаш (барчаси "Насаф")

Ҳавола :

Манба : championat.asia

Янгиликларни Телеграмда ўқинг!

Рейтинг: