ОЧЛ. 3-тур. Гуруҳдаги нариги ўйин олдидан

Тошкентда “Бунёдкор” Эроннинг “Фулад” жамоаси билан куч синашади. Гуруҳдаги нариги ўйин эса Саудия Арабистонида бўлиб ўтади. Унда маҳаллий “Ал Фатҳ” Қатарнинг “Ал Жаиш” клубини қабул қилади. Учрашув Тошкент вақти билан соат 22:00да бошланади.

Кеча ўйин олдидан ўтказилган матбуот анжуманида ҳар иккала мурабиий ўз фикрлари билан ўртоқлашди.

Фатҳи Ал Жабал (“Ал Фатҳ” бош мураббийи): “Биз бу ўйинда нима қилиб бўлса-да, уч очко олмасак бўлмайди. Бунинг устига ҳали гол урганимиз ҳам йўқ. Аввалги турда жароҳат олган Элтон бу учрашувга ҳали тайёр эмас. Агар ғалаба қозона олмасак, унда гуруҳдан чиқишимиз жуда қийинлашиб кетади. “Ал Жаиш” айниқса ҳужумда кучли жамоа, улар ажойиб ижрочиларга эга. Лекин биз ҳам қараб турмоқчи эмасмиз”.

Набил Маълул (“Ал Жаиш” бош мураббийи): “Биз яхши кайфиятда Саудияга ташриф буюрдик. Футболчилар навбатдаги беллашувга тайёр. Рақиб сафида менга ёққан ўйинчилар бор ва улар бизга катта муаммо туғдириши турган гап. Гарчи “Ал Фатҳ” гуруҳ ўйинларида ҳали тўп кирита олмаган бўлса-да, уларга қарши курашиш осон кечмайди”.