Қуръа маросими Куала-Лумпурда жойлашган ОФК штаб-квартирасида 10 декабрь куни кейинги йил учун ОЧЛ ва ОФК Кубоги баҳсларига қуръа ташланади. Қуръа жараёни Тошкент вақти билан соат 13:30да бошланади.
Шуниси аниқки, Осиё чемпионлар лигасида биздан учта жамоа қатнашади. Ўзбекистон чемпиони "Пахтакор" клуби мусобақани гуруҳ босқичидан бошлайди. Қолган икки клубимиз эса плей-офф босқичида иштирок этади. Ҳозирча "Локомотив" йўлланмага эга чиққани ҳам аниқ. Сўнгги учинчи йўлланма соҳиби бугун, "Бунёдкор" - "Сўғдиёна" учрашувидан сўнг маълум бўлади.
Кеча плей-офф босқичида Ўзбекистон клублари қайси жамоалар билан тўқнаш келишлари ҳақида хабар берган эдик.
