Облак "Атлетико"нинг рекордини ўрнатди

Бу Ла Лига 1-тур доирасидаги "Сельта" (2:1)га қарши ўйинда рўй берди.

Виго жамоасига қарши ўйин Облак учун "матрасчилар" таркибида 304-си бўлди. 28 ёшли словениялик Мадрид клубида 303та ўйин ўтказган Абель Ресинони ортда қолдирди.

Облак "Атлетико"да 2014 йилдан бери ўйнайди. У Мадрид клуби таркибида Ла Лига, Европа Лигаси, Испания Суперкубоги ва УЕФА Суперкубогини қўлга киритди. У Самора Мукофоти (Испания чемпионатининг мавсумдаги энг яхши дарвозабонига берилади)нинг 5-карра эгаси ҳисобланади.

Облак 2020/21 йилги мавсум "Атлетико" сафида барча мусобақаларда 46та ўйин ўтказди. Унинг мадридликлар билан шартномаси 2023 йилнинг ёзига қадар мўлжалланган.