Оби Микел: “Дрогба Шевченкога “Челси”да ким етакчилигини исботламоқчи бўлган”

“Андрей жуда сокин йигит эди. Ундан ҳеч қачон сўз эшита олмайсиз. Эҳтимол у фаолиятимдаги энг жим юрадиган жамоадошим бўлгандир. Унинг “Милан”даги фаолияти ақл бовар қилмас эди. У “Челси” ўйинчисига айланганда, мен “Вой, бу Шеваку”, деб ўйлагандим. Унинг ўйинлари орқали катта бўлганман.

Дидье Дрогба эса рақобатни хуш кўрарди. Учрашув қанчалик муҳим ва рақобат кучли эканлигини сезса, у ўзини етакчилигини исботлашга урунарди. Андрей келганда ҳам бу юз берди. Дрогба бу ерда ким асосий эканлигини кўрсатиш учун даражасини оширишга ҳаракат қиларди.

Шунинг билан бирга, Дрогба Шевченкога ёрдам беришга ҳаракат қилганини ҳам кўрганман. Улар машғулотдан кейин зарбаларни машқ қилиш учун қолишган. Фрэнк Лэмпард ҳам улар билан эди”, дейди Оби Микел.