"Ньюкасл" бош мураббийи ҳакамликни жиддий танқид қилди

Кеча "қарғалар" Мерсисайдда 2:4 ҳисобида мағлуб бўлди. Унда меҳмонлар дарвозасига икки марта пенальти белгиланди.

"Иккинчи ҳолатда пенальти бўлди деб ҳисобламайман. Бундай пайтда пенальти қўйилмайди. Мартин Дубравка қўлини тортиб олди. Жота эса икки қадам ташлаб йиқилди. Фикримча, бу пенальти эмасди.

Ҳатто биринчи эпизодда ҳам пенальти йўқ эди. Унда контакт минимал даражада бўлганди", - деди Хау.

Эслатиб ўтамиз, ушбу учрашувни мавсумда энг кўп хато қилган Энтони Тейлор бошқариб борди.