Нўъмон Ҳасанов: "Яхши ўйнадик, лекин гол ура олмадик"

"Менимча ўйин қизқарли бўлди. Бироқ кўплаб вазиятлардан унумли фойдалана олмадик ва мағлуб бўлдик. Иккинчи бўлимда Азим Аҳмедовнинг зарбаси дарвоза устунига тегиб қайтди. Бугун чиройли ўйин кўрсатдик, фақат гол ура олмадик холос. Пенальти белгиланган вақтда ҳакам унга яқин турганди, демак бунга кўнмай иложимиз йўқ. "Пахтакор"га кубок керак эмас деган гап сўзлар тарқалди? Йўқ бунга қўшилмайман, биз доим барча совринлар учун курашамиз. Таркибда йўқотишлар кўп бўлди. Бир неча футболчимиз ошқозони билан муаммо бўлди.

Игорь Сергеев биринчи бўлимда зарба бериш ўрнига йиқилиб тушди. Жамоамиз ёшариш даврини бошдан кечирмоқда. Ўтган йилдаги таркибдан кўплаб футболчилар тарк этишди. Никита Рибиннинг елкаси шикастланди, тиббий кўрикдан сўнг қачон сафга қайтиши маълум бўлади", - дейди Нўъмон Ҳасанов.

"Бухоро" матбуот хизмати