- Avvalombor, jamoamiz oliy ligaga chiqqani bilan barcha muxlislarni tabriklayman, - deb so'zini boshladi To'ychiev. - “Andijon” fan-klubi joriy mavsumda o'z ishini sitqidildan bajardi. Garchi birinchi ligada to'p surganiga qaramay, biz jamoamizni xuddi oliy ligada bo'lganidek qo'llab-quvvatladik. Shuni aytishim kerakki, ko'pchilik o'tgan yili Azamat Abduraimov “Andijon”ni birinchi ligaga tushirib yubordi deb o'ylagan bo'lishi mumkin. Lekin unday emas. Yil boshida Aleksandr Averyanov selekciya ishlarini ko'ngildagidek olib bormagani jamoamizni muvaffaqiyatsizlikka olib kelgandi. To'g'ri, Abduraimov bosh murabbiyligi paytida jamoamiz oliy ligani tark etdi. Shunga qaramay, bu murabbiyga ko'proq va imkoniyat berish kerak. Qolaversa, muxlislar ham murabbiyni tushunishlari lozim. Agar 5-6 yil imkoniyat berilsa, har qanday murabbiy yaxshi jamoa shakllantira oladi. Xudo xohlasa, hammasi yaxshi bo'ladi. Garchi, vazifa muddatidan oldin bajarilgan bo'lsa-da, jamoamiz safardagi so'nggi ikkita uchrashuvni ham g'alaba bilan yakunladi. Balki ayrim ishqibozlar oxirgi o'yinlar ahamiyatsiz va “Andijon” yutqazadi deb o'ylagan bo'lishlari mumkin. Yana bir bor oliy liga bilan barchani tabriklayman.
- “Andijon”ni bir yil ichida kuchlilar safiga qaytishiga muxlislar ishonishganmidi?- Ha, bunga yuz foiz ishongandik. Ko'rdinglar, jamoamiz mavsumni muvaffaqiyatli o'tkazib o'z oldiga qo'ygan vazifani uddaladi.
- Endi kelasi yili oliy ligada stadionda muxlislar soni ko'paysa kerak?- Kalasi yili “Andijon” jamoasining tashkil etilganiga 50 yil bo'ladi. Oliy ligaga chiqib jamoamiz bu bayramga munosib sovg'a qildi. Ishoanmizki, Mirjalol Qosimov, Igor Shkvirin va Ro'ziqul Berdiev singari Azamat Abduraimov ham oliy ligada o'zini ko'rsatadi. Xudo xohlasa, jamoamiz chiroyli o'yinlar ko'rsatsa stadionga muxlislar albatta qaytishadi. Baribir oliy va birinchi liga o'rtasida er bilan osmoncha farq bor. Kelasi mavsumda ishqibozlar hamda fan-klubimizni “Andijon”dan umidi katta. Xudo xohlasa, hammasi yaxshi bo'ladi.