Нкунку: "Челси" либосини кийиш фахрланишга арзийди"

"Челси"га ўтганимдан жуда хурсандман. Клуб мени таркибига қўшиб олиш учун анчагина ҳаракат қилди. Энди эса мен янги жамоамдаги фаолиятимни бошлашни интиқлик билан кутяпман. "Челси" мухлисларига майдонда нималарга қодирлигимни намойиш қилмоқчиман.

Франция, Германия каби чемпионатларда ўйнагандан кейин дунёнинг энг кучли лигаларидан бири АПЛда ҳам омадимни синаб кўрмоқчиман. Бу чақирувдан жуда мамнунман. "Челси" либосини кийиш фахрланишга арзийди", - деди футболчи клуб матбуот хизматига.

Олдинроқ "Челси" матбуот хизмати футболчи билан 6 йиллик шартнома имзоланганини маълум қилганди.